Sun. Sep 15th, 2019

Artan Hoxha intimidon gjyqtarët e Saimir Tahirin dhe jep “vendimin”: Kolegët e tyre sa herë kanë qenë amerikanët në seanca i kanë dënuar të akuzuarit!

Sipas gazetarit Artan Hoxha, prezenca e delegacionit amerikan në proceset gjyqësore të ish-Ministrit të Brendshëm Saimir Tahiri mund të ndikojë që ai të dënohet nga Gjykata.

Hoxha tha në Repolitix se në çdo proces që është monitoruar më herët nga amerikanët, vendimi i gjykatës ka qenë me dënim. Artan Hoxha solli në vëmendje rastin e Emiljano Shullazit dhe Klement Balilit.

“Nuk mund të flasim derisa Gjykata të japë vendimin. Prokurorët i qëndruan bindjes së vet. Unë jam kurioz për vendimin e Gjykatës. Ambasada amerikane ka monitoruar procesin. Në çdo histori ku janë përfshirë amerikanët vendimi ka qenë me dënim. Kur shikonin amerikanët në fund të sallës, gjyqtarët merrnin çekanin në dorë. Kemi çështjen e Shullazit dhe Balilit. Niveli i dënimit mbetet të shikohet. Fajësia qëndron në faktin e pamohueshëm se në 2016 Shqipëria ishte det me kanabis. Përgjegjësia për mua ka qenë e kryeministrit. Prandaj them se fajësia morale dhe politike është e provuar. Mënyra se si prokuroria e filloi procesin e Tahirit, me frymë politike. Sa herë që përmendej në politikë Prokuroria merrte një vendim për çështjen e Tahirit. Parë në këtë prizëm, Gjykata është ndikuar nga prezenca e amerikanët”, tha Artan Hoxha.

Leave a Reply

Your email address will not be published. Required fields are marked *

Social Media Auto Publish Powered By : XYZScripts.com