Mjekë opozitar apo lehës-zagar me koronavirusin

VASILI-BERISHA-681x405-681x375-1.jpg

Nga Anri Bala

Dihen elementët bazë si në çdo luftë, ka edhe ushtarë edhe bashkëluftëtarë por edhe tradhëtarë… Nuk e di se sa është shkalla e inteligjencës së atyre që hanë bukë me taksat tona duke sajuar një parti e duke zënë llogoren opozitare kur nuk është e atyre, duke marrë atribute që nuk i’ua jep as ligji dhe as e drejta dhe liria e fjalës së tyre ndaj lirisë së fjalës sonë.

Të përmendësh cilësinë e sapunit të litarit çdo minutë në shtëpinë e të dënuarit me varje është shumë e rëndë, por më e rëndë është kur merr përsipër që ti mund t’ia heqësh litarin kur në mend ke heqjen e stolit poshtë këmbëve. Kjo është një nga mundësitë që opozita shqiptare rrugaçe po shfrytëzon për t’i bërë “hyzmet” rrogës që merr, si e punësusar në politikë dhe kjo është një fyrje e rëndë për çdo shqiptarë në këto ditë të vështira për mbarë botën.

Eshtë një fyerje dhe tallje për çdo njeri me mend në kokë, sepse një sjellje e tillë të bënë aleat me armikun dhe quhet tradhëti. Tradhëtia nuk paguhet por shpaguhet herët apo vonë edhe nëse bëhesh tradhtarë nga padija apo dëshira e madhe që të dukesh ai që nuk je por mendon që je… udhëheqës i mençur.

Është një turp i madh për ato që turpërohen dhe kanë fytyrë dhe gjak shqiptari, kur një mjek apo disa mjek të rrjeshtuar në llogoren e opozitës rrugaçe nuk japin asnjë kontribut, por vjellin helm për ta përkeqësuar plagën që askush nuk e di se kur do të mbyllen, e kur njerëzit e këtij vendi kanë nevojë për mjek dhe jo hiena, orla dhe korba që fluturojnë mbi kokat e tyre… duke i imagjinuar si kufoma.

Kam frikë, se për këto shërbëtor të armikut koronavirus, Hipokrati është idiot, sepse paratë dhe pasuria nuk jepen por ruhen dhe betimin e tij as që e kanë lexuar ndonjëherë e jo më ta kenë bërë.

Ndaj për kujtesë Saliut, Vasalit, Tritanit, Flamurit dhe gjithë “flamave” të PD-LS-isë, po i’u çoj një “selam” nga Hipokrati… t’i lexojnë disa pasazhe nga ky betim:

Betohem në emër të Apolon mjekut, të Asklepit, të Igeas, të Panaceas dhe të gjithë perëndive e perëndeshave, duke i thirrur si dëshmitarë, se do të plotësoj, sipas aftësive dhe gjykimit tim, këtë betim e këtë zotim:

Do ta konsideroj atë që më mësoi këtë profesion njësoj si prindërit e mi dhe do të bashkëpunoj me të gjithë jetën, e po të ketë nevojë për para, do t’i jap nga të miat; do t’i konsideroj fëmijët e tij njësoj si vëllezërit e mi dhe do t’ua mësoj këtë profesion, nëse dëshirojnë ta mësojnë atë, pa pagesë e kontratë; do t’u përcjell parimet, udhëzimet gojore dhe çdo mësim tjetër bijve të mi dhe bijve të atij që më mësoi, si edhe nxënësve që kanë firmosur kontratën dhe kanë bërë betimin sipas ligjit mjekësor, por askujt tjetër përveç këtyre….

Nëqoftëse e përmbush këtë betim dhe nuk e shkel, m’u lejoftë të gëzoj jetën dhe profesionin e mjekut, duke u nderuar e duke qenë me famë ndër të gjithë njerëzit për kohën që do të vijë; në qoftë se e shkel betimin dhe bëj një betim të rremë, më ndodhtë e kundërta e gjithë kësaj.”

Nëse e kanë lexuar dhe e kanë shkelur, a mund ta gëzojnë jetën dhe profesionin?! Këtë e di vetëm aleati i tyre koronavirusis, që ndoshta nuk harron por i takon dhe i kujton, duke u dhënë si shpërblim… një përqafim. /Ekskluzive.al

Social Media Auto Publish Powered By : XYZScripts.com