Ballina Aktualitet Amerikanët fusin në listën e zezë Metën: Drejtori i DASH shmang takimin...

Amerikanët fusin në listën e zezë Metën: Drejtori i DASH shmang takimin me presidentin, paralajmëron goditje nga reforma d

36

Sulmi ndaj ndërkombëtarëve dhe reformës në drejtësi duket se po i kushtojnë shumë shtrenjtë Presidentit Ilir Meta. Pas Matthew Palmer, dje Presidenti Meta mori edhe një goditje nga drejtori për Evropën Qendrore e Jugore në Departamentin Amerikan të Shtetit, David Kostelancik. Ky i fundit zhvilloi ditën e djeshme disa takime me zyrtarë të lartë të shtetit, si me kryetarin e Kuvendit, Gramoz Ruçi; kryeministrin Edi Rama; kreun e Grupit Parlamentar të Partisë Socialiste, Taulant Balla; kryetarin e Partisë Demokratike, Lulzim Basha dhe kryetaren e Lëvizjes Socialiste për Integrim, Monika Kryemadhi.

Por ajo që ra në sy në këto takime, ishte fakti se zyrtari i lartë i DASH nuk kishte parashikuar në axhendën e tij një takim me kreun e shtetit, duke e shmangur atë. Pra, fakti që amerikanët e mënjanuan Metën, tregon se ai është futur në listën e zezë të SHBA-vë. Presidenti ka sulmuar shumë fort reformën në drejtësi dhe ndërkombëtarët këto kohë. Madje ka sulmuar drejtpërdrejt zv/ndihmës sekretarin Palmer. Të gjitha këto duket se i kanë irrituar amerikanët. Vizita e zyrtarit të DASH ka pasur në fokus dhe çështje të sigurisë. Meta është kryetar i Këshillit të Sigurisë Kombëtare, por nuk ka pasur asnjë takim.

Zyrtari i DASH paralajmëron goditje nga reforma

Interesant është fakti se në të gjitha takimet që zyrtari i DASH zhvilloi dje në Tiranë, fokus kryesor i diskutimit ishte reforma nëdrejtësi, ngritja e SPAK dhe BKH, si dhe reforma zgjedhore. Kështu, zyra e shtypit e Kuvendit bëri të ditur se pas takimit afro një orë, drejtori David Kostelancik falënderoi kryetarin Ruçi për vlerësimin e kontributit të SHBA dhe ambasadës në Tiranë për thellimin e reformave për transformimine Shqipërisë dhe vuri në dukje se Ballkani është me rëndësi jetike për SHBA. Po ashtu në njoftim, thuhet se zoti Kostelancik gjatë takimit me Ruçin vuri në dukje nevojën për kryerjen e reformës zgjedhore dherekomandoi se është përgjegjësi e qeverisë që dora e shtrirë e për opozitën duhet të mundësojë tërheqjen e saj në realizimin e kësaj reforme. Kryerja e reformës zgjedhore brenda vitit do të mundësojë edhe një presidencë shqiptare të suksesshme të OSBE-së në vitin 2020. Ndërkohë, Kuvendi nënvizoi se Ruçi ia bëri të qartë zotit Kostelancikse shumica qeverisëse dhe ai personalisht janë të angazhuar për kryerjen e reformës zgjedhore dhe për këtë do të bashkëpunojë edhe me opozitën parlamentare e joparlamentare, e cila ka të drejtën e vetos në komisionin e ri të reformës. Nga ana tjetër, në njoftimin e Kuvendit theksohet se drejtori Kostelancik nënvizoi mbështetjen e SHBA për reformën në drejtësi, duke paralajmëruar goditje nga kjo reformë. “Institucionet e reja të sistemit do tu shërbejnë qytetarëve sot e në të ardhmen dhe do të mundësojnë që shqiptarët të jetojnë në paqe e mirëqenie. Vetingu është mbështetur dhe do të vazhdojë të mbështetet fort nga SHBA”,vuri në dukje drejtori Kastelancik, thotë Kuvendi. Pra, duket qartë se për SHBA reforma në drejtësi dhe instalimi i shtetit ligjor në Shqipëri janë dy çështje të panegociueshme.

Zyrtari i DASH trondit PD-LSI

Përveçse takimit që pati me kryeparlamentarin Gramoz Ruçi, zyrtari i DASH, David Kostelancik ka zhvilluar takime të veçanta edhe me kryedemokratin Lulzim Basha dhe kryetaren e LSI, Monika Kryemadhi. Gazeta ka mësuar se në të dy takimet, zoti Kostelancik u ka bërë të qartë Bashës dhe Kryemadhit që të heqin dorë nga kushtet dhe të bëhen pjesë e reformës zgjedhore. Po ashtu, të njëjtat burime theksuan se zyrtari i lartë i DASH në këto takime e ka ndalur theksin edhe tek aksioni i opozitës, teksa mësohet se ka kërkuar nga të dy liderët opozitarëqë protestat e paralajmëruara prej tyre të jenë demokratike dhe jo të dhunshme. Madje, sikundër theksuan burimet, ai ua ka bërë të qartë Bashës dhe Kryemadhit se SHBA nuk i toleron protestat e dhunshme dhe mosbindjen civile, ndërsa i ka paralajmëruar ata se do të mbajnë përgjegjësi për çdo skenar destabilizues.Ndërkohë, ndryshe nga takimet e tjera, zyrtari i DASH në takimin me kryeministrin Rama ka qëndruar më gjatë, diku rreth 1 orë e 30 minuta. Gazeta mësoi se në këtë takim përveç situatës politike, fokus ka qenë edhe ndikimi rus dhe raportet Kosovë-Serbi. /Rigels Seliman