Ballina Aktualitet “Asnjë tradhti burra”! Rama përshëndet marrëveshjen në Uashington

“Asnjë tradhti burra”! Rama përshëndet marrëveshjen në Uashington

27

Kryeministri Edi Rama ka përshëndetur arritjen e marrëveshjes ekonomike mes Kosovës dhe Serbisë që u nënshkruar të premten në Uashington.

Kreu i qeverisë uroi homologun Hoti për përparimin e arritur dhe u shpreh se vetëm përmes dialogut mund të shkohet drejt njohjes përfundimtare.

“Asnjë tradhti burra! Urime Kryeministrit Hoti për marrëveshjen e arritur me Serbinë, e cila s’është fundi po vazhdimi i të vetmes rrugë drejt njohjes përfundimtare: Dialog për gjithçka, Bashkëpunim për çka mundet sot, Këmbëngulje për çka duhet nesër”, shkruan Rama në Twitter.

Kryeministri Rama në Twitter:

ASNJË TRADHËTI BURRA!

Urime Kryeministrit Hoti për marrëveshjen e arritur me Serbinë, e cila s’është fundi po vazhdimi i të vetmes rrugë drejt njohjes përfundimtare: Dialog për gjithçka, Bashkëpunim për çka mundet sot, Këmbëngulje për çka duhet nesër!

Keqardhje që u humb kaq kohë për t’u dakordësuar me Shengenin Rajonal,si një projekt ambicioz me interes kombëtar zhvillimi përmes rritjes së bashkëpunimit, e si një shtysë më shumë për integrimin europian të shteteve tona, Po më mirë vonë se kurrë, edhe falë Amerikës mike.

Njohja e Kosovës nga Izraeli është fruti fantastik i kësaj marrëveshjeje me potencial të madh zhvillimor, po edhe shembull për të gjithë që lufta për paqen përfundimtare me Serbinë nuk bëhet as me shpata virtuale kundër Beogradit, as me damkosje digjitale tradhtarësh imagjinarë!