Ballina Aktualitet Ja dhe një klloun tjetër…Fatos Lubonja: Lajmi që bënte thirrje për të...

Ja dhe një klloun tjetër…Fatos Lubonja: Lajmi që bënte thirrje për të dalë nga shtëpitë se do ndodhte gjëma, nuk

24

Fatos Lubonja thotë se lajmi i publikuar në portalin e familjes Berisha, që iu bënte thirrje shqiptarëve të dilnin nga shtëpitë pasi do të ndothe gjëma, nuk është një fake news. Duke folur për News 24, ai shprehet se fake news është tjetër gjë, jo ai që publikoi portali i drejtuar nga Çlirim Peka:

“Ajo që mendoj unë është se ajo që kishte ndodhur gjatë gjithë natës pas tërmetit të parë, shumë njerëz kanë mbetur gjithë natën pa gjumë nga ankthi e frika.

Duke iu referuar dhe përvojave si ajo që ka ndodhur në Itali, mendoj se ky është shkaku kryesor i atij ankthi.

Ishte krijuar një ankth i cili pastaj shpërtheu nga një lajm që u shpërnda.

Më duket se është normale në një farë mënyre që të ndodhë një gjë e tillë.

Ishte një fake news thonë. Unë nuk mendoj se dikush e ka bërë për panik.

Mendimi im është që fake news më i madh është tjetër gjë.

Thoshte Kim Mehmeti, po vodhe 50 euro dënohesh me burg, po vodhe 50 milionë euro je i nderuar.

Kur bie një tërmet ti duhet të dalësh dhe të rrish në ndonjë fushë. Kështu si e kanë bërë këta nuk ke një vend, një fushë ku të rrish.

Tërmeti të bën të reflektosh dhe për këtë katrahurë që është bërë në qytet”, deklaroi Lubonja.

Sa i përket gatishmërisë së shtetit dhe institucioneve, Lubonja tha se prezenca reale duket pas tërmetit.

“Qeveria ishte në një farë kuptimi fatlume që dëmet e këtij tërmeti nuk ishin të mëdha.

Gatishmëria mund të ishte pak edhe propagandë, më shumë se sa prezencë reale.

Prezencë reale është ajo që do vijë mbrapa. Instituti i Sizmologjisë nuk e di a ekziston”, tha Lubonja.