Ballina Aktualitet Kryeministri Edi Rama sot në “Real Story’, përballë gazetarit Sokol Balla në...

Kryeministri Edi Rama sot në “Real Story’, përballë gazetarit Sokol Balla në News24

18

Kryeministri Edi Rama vjen sot i ftuar në News24, përballë gazetarit Sokol Balla në ‘Real Story’, në 21:00.

Ndërsa prej dy vitesh akuzohej nga të gjithë se sëbashku me presidentin e Kosovës, Hashim Thaci po vizatonte një hartë të Kosovës e cila binte ndesh me interesat e saj përballë Serbisë prej dy javësh, kryeministri ka vënë në siklet kundërshtarin e tij politik Lulzim Basha, lidhur me të shkuarën e tij në UNMIK si edhe me të përfshirjen e tij të mundshme në zhdukjen e kasetës së masakrës në Krushë të madhe.

Kjo kur në fakt Shqipëria ka një tjetër problem, pandeminë e cila në valën e saj të dytë ka shkaktuar më shumë të infektuar më shumë të vdekur ka mbyllur vendin dhe ka vënë në pikëpyetje kapacitetet e shërbimit tonë shëndetësor.

Qeveria ka miratuar së fundmi një seri masash ndihmash financiare për shtresat në nevojë të prekur nga coronavirusi dhe po akuzohet se këto masa i ka kopjuar nga plani me 5 pika i Lulzim Bashës, por Edi Rama përgjigjet me një provokim duke futur në qeveri, një nga njerëzit më të afërt dikur të opozitës.

Por a do të jetë numri i Lulzim Bashës, numri i parë që do të telefonojë menjëherë pas zgjedhjeve të 25 prillit, për këto pyetje, dilema e provokime, Edi Rama do të japë sot përgjatë në një intervistë të drejtpërdrejtë në News24, në emisionin “Real Story’ me gazetarin Sokol Balla.