Ballina Aktualitet Legalizohet pallati pa leje në Tiranë, Lame: Banorët të bëhen bashkë e...

Legalizohet pallati pa leje në Tiranë, Lame: Banorët të bëhen bashkë e të vijnë! Të marr Ramën në telefon dhe t’i t

24

Kreu i Kadastrës, Artan Lame, i ka dorëzuar lejet e shtëpive banorëve të një pallati në kryeqytet, i cili ishte tërësisht pa leje, dhe konsiderohet si pallat i braktisur nga pronarët.

Kreu i Kadastrës, Artan Lame, foli për 381 pallate të formalizuara në rang vendi, ku për 46 prej tyre është mundësuar legalizimi falë bashkëpunimit të banorëve.

Lame: Jemi për dy grupe objektesh, legalizimet e zakonshme dhe legalizim i pallateve të braktisura nga pronarët. Ky pallati këtu që jemi sot për ta legalizuar është fare pa leje. Legalizimi i pallateve të braktisura ka filluar që në 2005, deri në 2017 mund të konsiderohet i pa realizuar.

Pas dy vjetësh që është dhënë vendimi për legalizimin e pallateve të braktisura jemi në këto shifra. Janë 381 pallate të formalizuara në rang republike me 1.663.000 metër katrorë ndërtim. Janë 14 mijë familje që kanë marrë dokumentin e pronësissë përmes këtij procesi.

Nga këto pallate, 46 janë legalizuar nga vetë banorët. Rasti i këtij pallati është nga këto. Është pjesa ku po çalojmë dhe kërkojmë më tepër bashkëpunimin tuaj. Banorët të bëhen bashkë dhe të vinë për legalizim.

Gjatë procesit të thënies së lejeve të legalizimeve, kreu i ALUIZNI-t, Artan Lame u përball me një qytetar i cili kishte 3 vite që kishte bërë regjistrimin, por akoma nuk kishte marrë lejen e legalizimit.

Banori: Përshëndetje, jam banor i lagjes. Çështjen e legalizimit doja ta shtroj. Kam 3 vite që kamë bërë regjistrimin. Shkoj dhe më përcjellin. Shtëpinë e kam përballë ambasadës. Mendoj se trualli është i shtetit dhe duhet ta paguaj.

Lame: Është çështje VKM-je. Kam përshtypjen se për ata që nuk kanë qenë në tokën e tyre duhet një vendim qeverie, duke u mbledhur 500 apo 1000 emra se s’mund t’i çohet kryeministrit vetëm një emër.

Kjo procedurë ishte formale dhe me ligjin e ri e kemi hequr. Ty të ka kapur ligji i vjetër me VKM dhe kanë mbetur 2 të fundit. Je te të fundit dhe duhet të presësh 1 muaj ose 2 muaj.

Banori: Këtë që thua ti duhet një konfirmim që ta vërtetoj.

Lame: Konfirmimi i vetëm është që të marr Edi Ramën në telefon dhe t’i them o Edo a të ka ardhur aty.

Banori: Jo se ai nuk merret me këto punë.

Lame: Unë dua një nga vajzat e drejtorisë që ta mbajë shënim emrin