Ballina Aktualitet Rama: Meta, Basha, Berisha ta qepin gojën kur flasin për interesa kombëtare!...

Rama: Meta, Basha, Berisha ta qepin gojën kur flasin për interesa kombëtare! Këta e qelbën detin! Nuk ka marrëveshje me Gr

24

Kryeministri Edi Rama revoltohet teksa flet për çështjen e ndarjes së detit me Greqinë, dhe me tone të forta thotë se Ilir Meta, Lulzim Basha dhe Sali Berisha duhet ta “qepin gojën” për këtë temë.

I pyetur nga gazetari Blendi Fevziu nëse ka marrëveshje me Greqinë për ndarjen e detit, debat i rihapur pas deklaratës së kryeministrit grek Qiriakos Miçotaqis, Rama e mohoi një gjë të tillë.

Kreu i qeverisë tha se negociatat kanë ndaluar prej një kohe të gjatë, dhe nënvizoi se pavarësisht marrëveshjes që mund të arrijë grupi negociator, që kjo marrëveshje të jetë e vlefshme duhet të kalojë disa etapa të tjera, përfshi edhe presidentin.

“Nëse ka një pikë që Meta, Basha dhe Saliu duhet ta qepin është pikërisht kjo pikë. Sepse siç e qelbën këta detin, nuk mund ta qelbte asnjë qeveri shqiptare. Këta duhet ta qepin, se këta e kanë treguar me fakte dhe vula që janë të paaftë për të mbrojtur interesat kombëtare. Këta të tre janë që duhet ta qepin gojën, kur flasin për interesa kombëtare”, deklaroi Rama.

Pjesë nga deklarata e kryeministrit në emisioni “Opinion”:

Ka negociata për marrëveshke shqipëri Greqi. Nuk ka marrëveshje me tre shporta se nuk bëhet fjalë për të ndarë peshqit, sardelet dhe midhjet.

Marrëveshja quhet e tillë kur ekziston, dhe që një marrëveshje të quhet e tillë duhet të ketë firma, duhet të ketë vula. Por edhe kur është me firma dhe e vula, ajo nuk është e vlefshme deri kur kalon disa etapa.

Ajo nuk është e vlefshme nëse nuk shkon te Kuvendi i Shqipërisë, nëse nuk kalon Presidentin e Shqipërisë si instancë, dhe presidenti aktual ka thënë që do ta çojë marrëveshjen paraprakisht në Gjykatën Kushtetuese.

Por mjedisi shqiptar ushqehet shumë dhe e ushqen vetëveten me thashetheme, kemi arritur në absurdin që një vend i tërë u përfshi në një thashethem nga hiçi.

Kryeministri Micotakis nuk ka folur kurrë për ujërat që janë pjesë e kësaj marrëveshje. Ai parim nuk është i aplikueshëm me Shqipërinë sepse nuk përmbushen kushtet. Konventa thotë që të gjitha shetet kanë të drejtën e tyre sovrane.

Deti Jon nuk mbarron në Konispol. Ai ka qenë shumë korrekt, ka folur kur po ratifikohej marrëveshja me Italinë. Këtu plas peshku në një formë që është aq aluçinante që të duket vetja sikur jeton në floktoren e Ollgës. Presidenti është në grupin e peshkatarëve. Ilir Meta, Berisha, Basha, Monika e skuq peshkun, nuk e kap në fakt, këta janë autorët e një marrëveshje reale me firma, vula dhe krenari, që është rrëzuar nga Gjykata Kushtetuese e Shqipërisë.

Territoret në tokë, ajër, det, nuk ndahen si byrek. Territoret kur hyn në procese marrëveshjesh nuk bëhen të fshehta. Nuk futet dot deti në shishe dhe shishet në maune, siç kalonin traun e doganave mes Greqisë dhe Shqipërisë, kur ai i madhi ishte drejtor i doganave.

Negociatat me Geqinë kanë ndalur së zhvilluari, negociatat nuk zhvillohen në Jalë, as në Gjirin e Lalzit, as në ndonjë skutë. Zhvillohen me delegacione dhe konkluzione jo përfundimtare.

Di që kryeministri Micotaqis ka një qasje mëse të shkëlqyer ndaj shqiptarëve, në sensin për të ndërtuar një marrëdhënie më të mirë dhe më solide.

Nëse ka një pikë që Meta, Basha dhe Saliu duhet ta qepin është pikërisht kjo pikë. Sepse siç e qelbën këta detin, nuk mund ta qelbte asnjë qeveri shqiptare.

Këta duhet ta qepin, se këta e kanë treguar me fakte dhe vula që janë të paaftë për të mbrojtur interesat kombëtare. Këta të tre janë që duhet ta qepin gojën, kur flasin për interesa kombëtare