Ballina Aktualitet Romeo Kara: Ja si u eliminuan 2 personat që kishin dijeni mbi...

Romeo Kara: Ja si u eliminuan 2 personat që kishin dijeni mbi aferat e Ilir Metës, presidenti i alarmuar nga zbardhja e skanda

27

Juristi Romeo Kara ka zbardhur fakte drithëruese mbi lëvizjet e presidentit Ilir Meta për t’i shpëtuar aferës CEZ-DIA. Padyshim që privatizimi i ish-OSSH dhe CEZ dhe pakti CEZ-DIA janë aferat më të rënda korruptive në vend.

Romeo Kara është i pari person që e ka denoncuar skandalin, ndërsa dje për këtë çështje ai ka hedhur akuza të forta. Kara ka thënë se dy personat që kanë pasur dijeni të plotë për të gjithë aferën CEZ-DIA sot nuk janë më.

I pari është Eduart Belegu. Ky i fundit ka qenë këshilltar i ish-ministrit Dritan Prifti, armiku më i madh i Metës. Në 2010 ai u zhduk në mënyrë krejt të papritur. Ai zyrtarisht është shpallur i vdekur. Juristi Kara shprehet se ai u zhduk pasi ka pirë kafe me një person të Ilir Metës para selisë së LSI.

Emri tjetër është Qazim Tepshi, ish-ambasador në Çeki, i cili ka qenë pjesë e bisedimeve me çekët për çështjen e CEZ. Ai vdiq në 2015 dhe zyrtarisht u raportua për atak kardiak, por familjarët e tij dhe juristi Kara kanë dyshime se mund të jetë eliminuar. Në atë kohë ai pritej të dëshmonte në çështjen e Kastriot Ismailajt.

“Eduart Belegu zhduket pikërisht pasi ftohet për kafe nga një njeri i afërt me Metën. Qazim Tepshi, ish-ambasadori i Shqipërisë në Çeki, ndërron jetë papritur, në mënyrë të dyshimtë, pikërisht pak pasi u ftua për kafe nga një tjetër njeri i afërt i Metës. Kjo ngjarje ndodhi në gushtin e vitit 2015, menjëherë pasi miku i Metës i aferës DIA-CEZ, Kastriot Ismailaj, u arrestua dhe filloi të hapë gojën në mënyrë kërcënuese për Metën nga burgu, duke ngritur një furtunë kundër tij në Parlament dhe në media.

Qazim Tepshi, ishte një kërcënim për Metën, pasi ai ka qenë në dijeni që në fillim të aferës CEZ-DIA dhe kishte kohë që kishte shfaqur pakënaqësi ndaj Metës dhe Ismailajt, lidhur përsa më sipër”, tha Kara. Sipas juristit, ishte Qazim Tepshi ai që me porosi të Metës, afroi pranë stafit drejtues të CEZ-it, Kastriot Ismailajn, duke e prezantuar si një njeri të afërt dhe të besuar të Metës.

“Këtë fakt e konfirmon në dëshminë e tij ish-kryetari i bordit të drejtorëve të CEZ-Shpërndarje, Jozef Hejsek. Qazim Tepshi është aksidentuar me makinë në Pragë për llogari të Metës, pikërisht kur Meta dhe Ismailaj vizituan së bashku Pragën në fund të vitit 2010, me qëllimin që ai të mos ishte i pranishëm në takimin dypalësh: Meta-Ismailaj & Roman-Pleskash, takim në të cilin u bënë disa marrëveshje mafiozo-korruptive”, tha ai më tej.

Deklarata e djalit të Qazim Tepshit

Skandali CEZ-DIA është padyshim një aferë korruptive. DIA u kontraktua nga çekët për të mbledhur borxhet e prapambetura, por nuk bëri gjë tjetër veçse mbushi arkën e vet. “Pak ditë para këtij takimi, Ismailaj u pagua me urgjence nga CEZ-i për punë të pakryera asnjëherë, me rreth 1.5 milionë euro, para të cilat dyshohet se u paguan në funksion të këtij takimi.

Pak ditë pas këtij takimi, ERE, në ndikimin e Metës dhe Berishës, miratoi një vendim lidhur me uljen e çmimit të shitjes së energjisë elektrike nga KESH-i tek CEZ-i, vendim i cili rëndoi minimalisht me 30 milionë euro në vit buxhetin e shtetit”, tha ai më tej. Juristi Kara ka nxjerrë një tjetër fakt sa i takon vdekjes së Qazim Tepshit. Sipas tij, djali i tij ka bërë një deklaratë të fortë në përvjetorin e vdekjes së të atit.

“Është një mesazh i fortë i dhënë nga djali i Qazim Tepshit në 21 gusht 2020, kur ai në pesë vjetorin e largimit të babait të tij nga kjo jetë deklaroi se: “Qazimi bënte që Berisha dhe Meta t’i rrinin gati tu.

Hollësirat më vonë”, premton djali i Qazim Tepshit. Të shpresojmë që një ditë do të zbardhen të vërtetat qe ka ditur Qazim Tepshi, për të cilat Meta dhe Berisha i qëndronin gati tu dhe që u bënë shkas për ikjen e tij të parakohshme pikërisht pasi piu kafe përballë selisë së LSI-së me njeriun e Metës”, tha ai. Duhet theksuar se në SPAK është ende një padi e bërë nga juristi Romeo Kara, i cili ka paditur Metën e Berishën për aferën e CEZ.